Aalisakkanik
qalerualinnillu tunisanik nalunaarsuiffiit nutaat kisitsisaataasivitsinniilerput.
Tunisanik
nalunaarsuiffimmi nutaami periarfissaqalerpoq avataasiortut nunallu eqqaani
aalisartut tunisaasa annertussusiinik nalinginillu immikkoorsitsilluni
saqqummiisinnaalerneq. Tamassuma piviusunngornissaa piffissami sivitsortumi
utaqqisaasimavoq. Kisitsisaataasivimmi nutaattut nalunaarsuiffiit marluk
saqqummerput. Siulleq qaammatikkaartumik, tunisat suussusaat aallaavigalugit
tunisat nalinginik, annertussutsinik, sumiiffinni immikkoortortanik,
aalisariaatsinik (avataasiortut/sineriassortut)
angallateqatigiikkaartunillu (umiatsiat/aalisariutit/kilisaatit) immikkoorsitikkat.
Nalunaarsuiffiup saqqummertup aappaa tassaavoq
qulaanni taagorneqartut assigalugit saqqummersitaq, sumiiffinnut
immikkoortortanut agguarnagu illoqarfinnut nunaqarfinnullu taarsiullugu
agguarlugit.
Nalunaarsuiffiit nutaat 2012-imiit
aallartipput.
Ulloq manna
tikillugu nalunaarsuiffik atuusimasoq qaammatikkaarlugit kisitsisinik
nutarterneqartartoq immikkoortortanut, suussutsinut, tonsinut 1.000 koruuninullu agguarneqartartoq nutarterneqassaaq,
paasissutissat assingi nalunaarsuiffinni nutaani takuneqarsinnaalermata.
Paasissutissat assersuutit nutaat:
Takussutissaq
1. Tunisat tonsinngorlugit suussutsinut aalisariaatsinullu agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN012
Takussutissaq 2. Tunisat tonsinngorlugit sussutsinut illoqarfinnut/nunaqarfinnut/umiarsuarnut tunitsivinnut agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN013
Takussutissaq 3. Tunisat tonsinngorlugit, suussutsinut angallateqatigiinnut agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN012
Kisitsisaataasivik:
Kisitsisaataasivimmi periarfissaqarpoq tulaassukkat annertussusiisa ineriartornerannik taamatumallu suussutsit ataasiakkaat akiinik paasissutissanik aallersinnaanermut, qaammatikkaartumik, sumiiffinni immikkoortortakkaartumillu piffissami 2012-imiit ukunani: https://bank.stat.gl/FIN012 aamma https://bank.stat.gl/FIN0131.
Allanik immikkut paaserusutaqaruit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.